Fréttir

Starfsmannafélag Kópavogs

Námskeið um lífeyrismál við starfslok hjá Brú lífeyrissjóði

 

Brú lífeyrissjóður heldur námskeið um lífeyrisréttindi við starfslok fyrir sjóðfélaga Brúar lífeyrissjóðs, Lífeyrissjóðs starfsmanna Reykjavíkurborgar og Lífeyrissjóðs starfsmanna Kópavogsbæjar í húsakynnum sjóðsins, Sigtúni 42, Reykjavík, miðvikudaginn 22. ágúst nk.

Á námskeiðinu verður farið almennt yfir lífeyrisréttindi sjóðfélaga, hvar upplýsingar um réttindi er að finna og spurningum svarað sem brenna á sjóðfélögum um lífeyrismál.

Brú lífeyrissjóður rekur þrjár ólíkar deildir með mismunandi réttindakerfum og er námskeiðið því skipt upp eftir því. Takmarkaður fjöldi sæta eru í boði á hvert námskeið og nauðsynlegt að sjóðfélagar skrái þátttöku sína. Námskeið fyrir hverja deild tekur u.þ.b. klukkutíma.

 

Næsta námskeið verður haldið miðvikudaginn 22. ágúst nk. 

  1. 16.30: B deild Brúar lífeyrissjóðs – Lífeyrissjóður starfsmanna Reykjavíkurborgar – Lífeyrissjóður starfsmanna Kópavogsbæjar
    kl. 17.30: A deild
    kl. 18.30: V deild

 

Skráning hér

Haust 2018

Kæru félagsmenn!

Nú er opið fyrir umsóknir í  orlofshúsin, hausttímabilið 14/9 – 21/12´18.

Bjarg íbúðafélag opnar fyrir skráningu á biðlista

 

Skráning á sér eingöngu stað rafrænt á „mínar síður“ heimasíðu Bjargs (bjargibudafelag.is).

 

Íbúðir Bjargs íbúðarfélags eru fyrir fjölskyldur og einstaklinga á vinnumarkaði sem eru undir ákveðnum tekju- og eignamörkum og sem hafa verið fullgildir félagsmenn aðildarfélaga ASÍ eða BSRB s.l. 24 mánuði miðað við úthlutun. Fullgildir félagsmenn sem eru tímabundið frá vinnu, í allt að 12 mánuði, vegna fæðingarorlofs eða veikinda halda réttindum sínum. Námsmenn, sem jafnframt eru virkir á vinnumarkaði en sem eiga sjálfstæðan rétt til þess að sækja um íbúðir í húsnæðisfélögum námsmanna eftir þeim reglum sem þar gilda, eiga ekki jafnframt rétt hjá Bjargi meðan á námi stendur. Nánar má sjá um skilyrði ofl. í úthlutunarreglum félagisins.

Skráningum á biðlista er almennt raðað upp í þeirri röð sem þær berast og virkjast þegar greiðsla staðfestingargjalds er frágengin. Undantekning er að þær skráningar sem berast fyrir 31. júlí 2018 fara í pott og verður þeim sem þá hafa skráð sig raðað í númeraröð með úrdrætti.

 

Hver eru tekju– og eignamörkin

Bjarg starfar samkvæmt lögum um almennar íbúðir. Í lögunum eru tilgreind tekju-og eignamörk ásamt viðmiði um greiðslubyrði leigu, skulu árstekjur leigjenda almennra íbúða ekki nema hærri fjárhæð en:

5.105.000 kr. ári (eða 425.417 kr. á mánuði) fyrir hvern einstakling.

7.148.000 kr. á ári (eða 595.667 kr. á mánuði) fyrir hjón og sambúðarfólk.

1.276.000 kr. á ári (eða 106.333 kr. á mánuði) fyrir hvert barn eða ungmenni að 20 ára aldri sem býr á heimilinu.

Hámarks heildareign heimilis má ekki vera hærri en 5.510.000 kr.

Greiðslubyrði leigu skal að jafnaði ekki fara 25-30% af heildartekjum leigutaka að teknu tilliti til húsnæðisbóta.

 

Hvenær verða íbúðirnar tilbúnar?

Áætlað er að afhending fyrstu íbúða á höfuðborgarsvæðinu verði í júní 2019. Þessi verkefni eru þegar farin af stað:

155 íbúir í Spöng í Grafarvogi

83 íbúðir í Úlfarsárdal.

Reiknað er með að um 450 íbúðir verði komnar í byggingu hjá félaginu í lok 2018 og rúmlega 1.000 til viðbótar á næstu þremur til fjórum árum.

Íbúðir í fyrsta áfanga í Reykjavík, Akranesi, Akureyri, Þorlákshöfn og Sandgerði. Viðræður eru við sveitafélög víðar á landinu.

 

Sótt er um íbúð hjá Bjargi í tveimur skrefum

  1. Í fyrsta skrefi skráir umsækjandi sig inn á biðlista hjá Bjargi íbúðafélagi. Eingöngu er tekið við skráningum rafrænt í gegnum „mínar síður“ á heimasíðu Bjargs, is.
  2. Í öðru skrefi sendir umsækjandi inn umsókn í ákveðna staðsetningu.Í hvert sinn sem íbúðir eru lausar til umsókna sendir Bjarg póst á alla á biðlista með nánari upplýsingum. Ef áhugi er á tiltekinni staðsetningu þarf að senda umsókn. Úthlutun hlýtur sá umsækjandi sem uppfyllir öll skilyrði um úthlutun hefur lægsta númer á biðlista og að teknu tilliti til forgangs. Sótt er um ákveðna íbúðartegund/íbúðarstærð sem hentar út frá fjölskyldustærð og í tilteknu húsi. Ekki er hægt að velja ákveðnar íbúðir sérstaklega.

 

Ábyrgð umsækjenda

Umsækjendur bera sjálfir ábyrgð á að þeir uppfylli öll skilyrði um úthlutun svo skoða þarf vel hver þau skilyrði eru í úthlutunarreglum Bjargs, 1. gr. Ekki er staðfest fyrr en við úthlutun hvort umsækjandi uppfylli í reynd öll skilyrði fyrir úthlutun.

Við skráningu á biðlista þarf umsækjandi að greiða skráningargjald skv. gjaldskrá.  Skráningu á biðlista þarf umsækjandi að staðfesta árlega með því að greiða staðfestingargjald. Gjöld þessi eru óafturkræf.

Staða umsækjanda á biðlista er fyrst virk þegar búið að er að greiða skráningargjaldið og frá þeim tíma sem það er greitt.

 

Nánari upplýsingar á heimsíðu félagsins, bjargibudafelag.is.

 

Sýnum samstöðuna í kröfugöngu á 1. maí

Launafólk sýnir samstöðu með því að taka þátt í kröfugöngu og baráttufundum á alþjóðlegum baráttudegi verkalýðsins.

Með samstöðunni hefur íslenskt launafólk unnið mikla sigra á undanförnum árum og áratugum. Sú samstaða hefur ekki orðið til úr engu. Við sýnum samtakamáttinn með því að fjölmenna í kröfugöngu á alþjóðlegum baráttudegi verkalýðsins á 1. maí.

BSRB hvetur alla félagsmenn til að fjölmenna í kröfugöngu og baráttufundi í sínu bæjarfélagi. Elín Björg Jónsdóttir, formaður BSRB, mun halda ræðu á baráttufundi í Reykjanesbæ og munu félagar í aðildarfélögum bandalagsins sýna styrk sinn víða um land.

Yfirskrift hátíðarhaldanna í Reykjavík er „Sterkari saman“. Dagskráin í Reykjavík er eftirfarandi:

Safnast verður saman á horni Laugavegar og Snorrabrautar klukkan 13:00. Kröfuganga hefst klukkan 13:30. Lúðrasveit verkalýðsins og Lúðrasveitin Svanur leika í göngunni.

Útifundur á Ingólfstorgi verður settur klukkan 14:10. Þar munu Ragnar Þór Ingólfsson, formaður VR, og Þórunn Sveinbjarnardóttir, formaður Bandalags háskólamanna, halda erindi. Þá munu Síðan skein sól og Heimilistónar flytja tónlistaratriði. Öll dagskráin verður túlkuð á táknmáli. Kolbrún Völkudóttir túlkar söng á táknmáli. Fundarstjóri verður Þórarinn Eyfjörð.

Formannsskipti hjá þremur aðildarfélögum

Nú er tími aðalfunda hjá aðildarfélögum BSRB og einhverjar breytingar í hópi formanna aðildarfélaga. Í gær var haldinn aðalfundur Starfsmannafélags Kópavogs (SFK) þar sem nýr formaður var kjörinn. Þá hafa nýir formenn tekið við hjá Félagi flugmálastarfsmanna ríkisins (FFR) og Félagi íslenskra flugumferðarstjóra (FÍF).

Á aðalfundi Starfsmannafélags Kópavogs var Rita Arnfjörð Sigurgarðsdóttir, framkvæmdastjóri félagsins, kjörin formaður. Hún hafði betur í kosningu gegn Guðmundi Gunnarssyni, skrifstofustjóra Umhverfissviðs Kópavogsbæjar. Rita hlaut 52 atkvæði í kosningu á aðalfundinum, eða um 56 prósent atkvæða, en Guðmundur hlaut 41 atkvæði, um 44 prósent. Jófríður Hanna Sigfúsdóttir, fráfarandi formaður félagsins, gaf ekki kost á sér til endurkjörs.

Einnig urðu formannsskipti hjá Félagi flugmálastarfsmanna ríkisins. Þar tók Unnar Örn Ólafsson við af Helga Birki Þórissyni, sem gaf ekki kost á sér til áframhaldandi setu sem formaður.

Þá gaf Sigurjón Jónasson ekki kost á sér áfram sem formaður Félags íslenskra flugumferðarstjóra og var Kári Örn Óskarsson kjörinn formaður félagsins í hans stað.

Starfsmannafélag Kópavogs. Upplýsingar vegna aðalfundar :

25.apríl 2018

Framboð til setu í stjórn og nefndum félagsins:

Athugið að framboðsfrestur rennur ekki út fyrr en á aðalfundi.

Formaður er kosinn til tveggja ára. Stjórnarmenn eru kosnir  til tveggja ára. Orlofsnefnd er kosin til eins árs

Þeir einstaklingar sem þegar hafa boðið sig fram til starfa í stjórn og nefndum félagsins eru eftirfarandi:

Formaður:                              Jófríður Hanna Sigfúsdóttir                                 Menntasvið                    Hættir

Framboð til formanns          Guðmundur G Gunnarsson                                 Skrifstofustjóri Umhverfissviðs

                                                  Rita Arnfjörð                                                         Starfsmannafélagi Kópavogs

 

Aðrir í stjórn:                          Sigrún Gunnarsdóttir                                            Velferðasvið         Laus gefur kost á sér

                                                  Rita Arnfjörð Sigurgarðsdóttir                            Starfsmannafélag Kópavogs

                                                  Sigurður Grétar Ólafsson                                    Strætó bs             Laus gefur kost á sér

                                                  Brynhildur Stella Óskarsdóttir                            Leikskólinn  Efstihjalli    

Framboð í Stjórn SfK:           Jóhannes Æ Hilmarsson                                        Yfirhúsvörður Stjórnsýslusviði  

                                                  Marta Ólöf Jónsdóttir                                          Leikskólanum Álfaheiði

                                                  Málfríður Anna Gunnlaugsdóttir                       Þjónustuveri Kópavogs

Varamenn í stjórn:                Gunnar H Ragnarsson                                          Hörðuvallaskóla

                                                  Friðgeir Hallgrímsson                                            Smáraskóli                     Hættir

Skoðunarmenn                       Jón Júlíusson                                                           Menntasvið

reikninga:                                Atli Sturluson                                                         Velferðasvið                 

 

Orlofsnefnd                            Brynhildur Stella Óskarsdóttir                            Leiks. Efstahjalli   Laus gefur kost á sér

                                                  Sigríður Þorvarðardóttir                                      Stjórnsýslusvið         Hættir

                                                  Arna Margrét Erlingsdóttir                                  Menntasvið         Laus gefur kost á sér                                 

                                                  Jóhannes Ævar Hilmarsson                                 Fannborg 2          Laus gefur kost á sér

                                                  Þjónustufulltrúi hjá SfK                                       Starfsmannafélag Kópavogs

Bandalagsþing BSRB             Stjórn   Starfsmannafélagsins og trúnaðarmannráð

SUMAR 2018

Miðvikudag 25.apríl byrjar II úthlutun í sumarorlofshúsin okkar og lýkur 03. maí nk. Hægt er að sækja um á heimasíðunni og  hægt að nálgast umsóknareyðublöð  á skrifstofu félagsins að Bæjarlind 14 – 16.

AÐALFUNDUR SfK 2018.

Ágætu félagsmenn.

 

í dag, miðvikudaginn 25.04.2018 verður kosið um næsta formann og forystu í stéttarfélaginu ykkar næstu árin.

 

Ég vil því nota tækifærið og hvetja ykkur til að fjölmenna á fundinn og kjósa.

 

 

Með góðri kveðju,

 

Jófríður Hanna Sigfúsdóttir

Formaður Starfsmannafélags Kópavogs

 

Minnum á AÐALFUND SfK 2018

Verður haldinn miðvikudaginn 25. apríl í salnum að Gullsmára 13. kl.17:15

Útilegukortið er komið, kostar kr. 8.000,-

Page 1 of 2112345»1020...Last »

Nýttu þér rétt þinn og leyfðu okkur að gera þér lífið léttara. Starfsmannafélag Kópavogs býður upp á fjölda styrkja, námskeiða og tækifæra. Hafðu samband og við sjáum hvað við getum gert saman.